職位類型: 高級搜索
  


志雲與王喜演嘢
        來源: 澳門日報          發佈時間:2018-7-23          流覽次數:45

志雲與王喜演嘢

高 梁

    志雲與王喜演嘢

    陳志雲與王喜結婚了!一直耳聞,今回目睹了:在香港理工大學舉行的“演嘢會”播出短片——陳志雲與王喜扮演相識相愛的過程,兩人在日本街頭大玩“He He情”,王喜更為志雲戴上戒指,熒幕映出“Just married!”全場拍手歡呼。

    王喜向陳志雲表示,情侶結婚不一定要影婚紗相,“何況你又不是女人!我揀女人的話,我揀宣萱啦!”陳志雲扮醋娘子狀:“你眞係同宣萱有嘢嘅,宣萱有咩咁好呀?啦啦啦,情侶分手,切忌提及對方前度。”王喜還是挖出大師的當年愛將“崔建邦”……陳志雲嬲嬲豬狀:“你做咩提崔建邦!你以為我眞係鍾意佢咩?佢頭尖額窄,又鍾意打女人。佢唔會打我口架,因為我唔係女人。”陳志雲後台有補充,對崔建邦無愛亦無恨,有預先知會對方有這樣的台詞,只是對方沒有勇氣來欣賞。

    陳志雲演嘢,難忘王喜刻骨銘心的一段友情。八年前捲入涉貪案時,感謝八十四個月來獲得不同天使的幫忙,包括王喜——“我失去四十八小時自由的時候,一返到屋企,就見到佢擺了一個福袋在門口。王喜亦曾經講過,如果我不幸入獄,‘拜山簿’名冊中,佢要排第一位。”

    陳志雲又演嘢,多謝鄰居兩位師奶,關心他要否幫忙買嘢食,因當時許多傳媒追訪;亦多謝大廈保安,每次出入都帶他走秘密通道。

    陳志雲自爆“演流嘢”——結婚片唔係眞嘅!“條橋係我諗,我諗完問王喜介唔介意做呢件事,佢冇所謂。好多人都話王喜係我的Partner,事實上唔係。既然大家咁諗,我拿出來滿足大家幻想囉。”他又大讚王喜是好編劇好導演,希望對方早日成為導演。

    有人肯出千萬資金請陳志雲拍劇?志雲自言:“當日我哋喺酒店食飯,對方好有誠意邀請。但佢有佢講,我有我諗,冇答佢,對方當我推咗咋。”

    高  梁



鄭重聲明 :本網只提供公司和求職者之間一個網絡交流平臺,不涉及任何公司與求職者之間的勞務關係.
Copyright© 2005-2012  澳門人力資源網(www.ejobmacau.com). All rights reserved.
Powered by 澳門長江網絡有限公司(互聯網服務牌照01/2007