職位類型: 高級搜索
  


心穎與馬明談婚論戒
        來源: 澳門日報          發佈時間:2018-7-13          流覽次數:47

心穎與馬明談婚論戒

高 梁

    心穎與馬明談婚論戒

    《深宮計》做的好事——馬國明與黃心穎公開“談婚論戒”、講愛巢。

    有報道指黃心穎宣示主權,與馬國明先行買訂情戒,稍後才買結婚戒!

    “有啲雜誌好得意,我哋未諗到嘅嘢,佢哋已經同我諗埋。”有指兩隻訂情戒指値廿萬很肉赤?馬國明迅速回應:“唔會肉赤!首先,唔係二十萬咁多。通常我買嘢都係計好數、自己負擔得起至好買。”

    各位讀者注意,馬明與心穎“已經買了訂情戒”,應明確地説“訂婚戒”。衆目睽睽下,內幕的內幕——馬明情切護心穎:“大家唔好誤會,以為佢成日使我錢。佢都搵到錢,佢係用自己錢買。”原來訂婚戒係公一份婆一份。

    幾時結婚呀?“首先多謝大家關心,其實我哋未傾到呢個話題。”馬明情詞懇切,“心穎還很年輕,佢仍然希望在事業上繼續努力。”

    雜誌繪影繪聲:孝順仔馬明一向與家人一起住,心穎想獨霸“筍盤”,買訂婚戒後,提議愛郎另築愛巢。“我哋未諗過……”馬明清心直說,“但係,想搵多啲錢係眞嘅。識我嘅人都知道,我成日都話要儲多啲錢。因為呢行冇乜保障,可以儲到錢嘅時候唔儲錢,對日後生活眞係冇乜保障。多個錢傍身,搵啲嘢投資係好嘅。”弦外之音,買愛巢亦投資之道。

    “最和善的人都會有固執一面。”輪到心穎講馬明,“佢好有主見,可能佢年紀大啲。但佢會耐心聽完我講才反駁我,唔係一開始就鬥嘴,(會否硬碰硬?)有,但好少。”

    馬明最硬係點?“佢都唔係好硬……”馬明性格,心穎很清楚,“硬嗰陣時都係咁上下!”自認又急又好勝的她,初時都因為馬明性格“太腍”而無名火起。馬明靚唔靚仔?心穎說:“生活中,冇咩人令我咁仰慕,亦唔會令我好似花癡咁。靚仔好易搵,靚得來有內涵有修養,難!”

    高  梁



鄭重聲明 :本網只提供公司和求職者之間一個網絡交流平臺,不涉及任何公司與求職者之間的勞務關係.
Copyright© 2005-2012  澳門人力資源網(www.ejobmacau.com). All rights reserved.
Powered by 澳門長江網絡有限公司(互聯網服務牌照01/2007